Իրավական և ինստիտուցիոնալ համակարգի բարելավում
Հարթակի ստեղծման օրվանից ի վեր նպատակ է դրվել նպաստել ՀՀ-ում բնական կերհանդակների կառավարման գործընթացը կարգավորող օրենսդրական դաշտի և կառավարման գործընթացի արդյունավետ իրականացումն ապահովող ինստիտուցիոնալ համակարգի կատարելագործմանը, ինչը կխթանի Հայաստանում արոտավայրերի կառավարման արդյունավետ և միասնական մեխանիզմի ներդրմանը և գործարկմանը:
Հարթակի նախաձեռնությունները այս ոլորտում նպատակ ունեն (ա) բացահայտել առկա իրավական և ինստիտուցիոնալ համակարգի բացերը, որոնք խոչընդոտում են ՀՀ համայնքներում բնական կերհանդակների կայուն կառավարման մոտեցումների գործարկմանը, տարածմանը և հետագա զարգացմանը, (բ) շահագրգիռ կողմերի մասնակցությամբ առաջարկել լուծումներ և իրականացնել նախաձեռնություններ՝ նպաստելու օրենսդրական դաշտի բարելավմանը և ինստիտուցիոնալ համակարգի կայացմանը:
2018-2020 թվականներին Հարթակի Իրավական և ինստիտուցիոնալ համակարգի բարելավում նախաձեռնություններին ֆինանսական և կազմակերպչական աջակցություն են ցուցաբերել.
- Գերմանական Միջազգային Համագործակցության Ընկերության (ԳՄՀԸ) կողմից իրականացվող, ԳԴՀ տնտեսական համագործակցության և զարգացման դաշնային նախարարության (ՏՀԶՆ\BMZ) կողմից ֆինանսավորվող «Կենսաբազմազանության ինտեգրված կառավարումը Հարավային Կովկասում» (ԿԻԿ) ծրագիրը,
- «Ռազմավարական Զարգացման Գործակալություն» հասարակական կազմակերպության կողմից իրականացվող, Շվեյցարիայի զարգացման և համագործակցության գործակալության կողմից ֆինանսավորվող «Անասնապահության զարգացում Հայաստանի հարավում» ծրագիրը
- Գերմանական Միջազգային Համագործակցության Ընկերության (ԳՄՀԸ) (GIZ), բնապահպանական ծրագրի կողմից իրականացվող, ԳԴՀ տնտեսական համագործակցության և զարգացման դաշնային նախարարության (ՏՀԶՆ\BMZ) կողմից ֆինանսավորվող «Բնական պաշարների կառավարում և էկոհամակարգային ծառայությունների պահպանություն Հարավային Կովկասում գյուղական տարածքների կայուն զարգացման համար» (ECOserve) ծրագիրը
- «Ռազմավարական Զարգացման Գործակալություն» հասարակական կազմակերպության կողմից իրականացվող, Ավստրիական Զարգացման և Համագործակցության ծրագրային միավոր Ավստրիայի Զարգացման Գործակալության, Շվեյցարիայի Զարգացման և Համագործակցության Գործակալության ֆինանսավորմամբ իրականացվող «Անասնապահության զարգացում Հայաստանում՝ հարավ – հյուսիս» ծրագիրը
- ՀՀ Էկոնոմիկայի նախարարության կողմից իրականացվող, Համաշխարհային Բանկի Խմբի կողմից ֆինանսավորվող «Համայնքների Գյուղատնտեսական Ռեսուրսների Կառավարման և Մրցունակության» Երկրորդ ծրագիրը (ՀԳՌԿՄ 2)